Сунтаарга Бордоҥ нэһилиэгэр кэлим спартакиада чэрчитинэн түөлбэлэринэн хабылыкка күрэхтэһии тэрилиннэ.
Бу күн «Айыллаан» култуура дьиэтигэр биэс түөлбэттэн 15-тии бастыҥ спортсмен кытынна. Сыралаах киирсии түмүгэр «Чараҥ» түөлбэ спортсменнара бастыыр чиэскэ тигистилэр. Иккискэ «Дьүкээбил», үһүс бириистээх миэстэҕэ «Сарыал» түөлбэ олохтоохторо таҕыстылар. Бу иннинэ, муус ылыытыгар күрэхтэһиигэ «Дьүкээбил» түөлбэлэр эрэллээхтик бастаабыттара. Ылыллыбыт мууһу тута элбэх оҕолоох, кыаммат 12 ыалга тиэйбиттэрэ.