Булгунньахтаахтар арыгы атыытын бопсор баҕалаахтар

113

Саха Өрөспүүбүлүкэтигэр арыгылааһыны утары бэлиитикэни олоххо киллэрии салҕанар.


Хаҥалас улууһун Булгунньахтааҕын олохтоохторо сэлиэнньэҕэ арыгыны атыылааһыны олохтоохтук бобор баҕалаахтар. Онон, бу боппуруоһу сэтинньи 11 күнүгэр түмсэн дьүүллэһиэхтэрэ.

Бу күн нэһилиэк уопсай түмсүүтүгэр СӨ Госалкогольконтроль управлениетын исписэлиистэрэ тахсан, дьүүллэһиигэ кыттыахтара уонна тустаах сүбэ-ама биэриэхтэрэ.

Управление ону сэргэ суруналыыстар десаннарын тэрийиэҕэ. Чөл олоҕу сырдатыы чэрчитинэн Култуура уонна сынньалаҥ пааркатыгар хаалыктаах хаамыыга маастар-кылаас ыытыллыаҕа, нэһилиэк дьаһалтатын уонна нэһилиэк уопсастыбаннаһын кытары көрсүһүүлэр, «Талба талаан» кэнсиэр буолуоҕа.