Чурапчытааҕы эргиэн киинэ хас да улууһу хааччыйыаҕа

109

Чурапчыга соторутааҕыта икки этээстээх эргиэн киинэ аһылынна. Манна тыа хаһаайыстыбатын тиэхиньикэтэ уонна саппаас чааһа атыыланыаҕа.


Киини улууска биллэр предприниматель, меценат Руслан Федотов арыйда. Билигин кииҥҥэ 2017 с. тыа хаһаайыстыбатыгар наадалаах саппаас чааһы, тиэхиньикэни илдьээри бэлэмнэнэллэр. Сайаапкалары хомуйдулар.

Бу эргиэн кииниттэн Чурапчы улууһун олохтоохторо эрэ буолбакка, томполор, таатталар, Уус Алдан сорох нэһилиэктэрин олохтоохторо атыылаһыахтара. Онон икки сыл устата чэпчэки конструкцияларынан тутуллубут дьиэ үлэҕэ киириитэ тыа сирин олохтоохторугар олус абыраллаах буолсу.

Бары Аллараа Бэстээхтэн кэлэн атыылаһаллара, тиэйэн бараллара ыарахан буоллаҕа дии. Сааскы ыһыыттан саҕалаан оттооһуҥҥа диэри наадалаах барыта баар буолуоҕа”, -диэн эрэннэрдэ предприниматель.