Күүстээх Соппуруон кэриэһигэр ыытыллыбыт мас тардыһыытыгар Фролкин күннээтэ

146

Ньурба к. Софрон Андреев-Кэрэ Киһи уола Күүстээх Соппуруон кэриэһигэр мас тардыһыытыгар өрөспүүбүлүкэтээҕи турнир ыытыллан түмүктэннэ. Кулун тутар 3-4 күннэригэр Амма, Томпо, Сунтаар, Үөһээ Бүлүү, Бүлүү, Уус Алдан, Хаҥалас Ньурба улуустарыттан, Дьокуускайдааҕы Тыа хаһаайыстыбатын академиятыттан 52 спортсмен күрэхтэстилэр. 


Ньурбаҕа Күүстээх Соппуруон кэриэһигэр ыытыллыбыт күрэхтэһиигэ улахан эриһиилээх уонна интэриэһинэй киирсиилэр буоллулар. Ыйааһыннарынан уонна муҥутуур кыайыылаахтар быһаарылыннылар.

Ыйааһыннарынан кыайыылаахтар уонна призердар:

Эр дьоҥҥо 60 кг диэри: 1 миэстэ — Сивцев Руслан (Ньурба), 2 — Павлов Павел (Ньурбачаан), 3 — Харбанов Алексей (Ньурбачаан). 65 кг диэри: 1 — Ананьев Максим (Сунтаар), 2- Иудин Николай (Ньурба), 3 — Стручков Христофор (Ньурба). 70 кг диэри: 1 — Жирков Иннокентий (Акана), 2- Иванов Иван (Өҥөлдьө), 3- Саввинов Иван (Ньурба). 75 кг диэри: 1 — Филиппов Маркел (Өҥөлдьө), 2- Михайлов Иван (Бүлүү), 3 — Григорьев Дмитрий (Ньурбачаан). 80 кг ыйааһыҥҥа: 1- Васильев Борис (Бүлүү), 2- Попов Игорь (Ньурба), 3 — Семенов Семен (Ньурбачаан). 85 кг: 1-Михайлов Афанасий (Сунтаар), 1-Иванов Юриҋ (Ньурба), 3- Петров Александр (Ньурба). 90 кг диэри ыйааһыҥҥа: 1- Степанов Анатолий (Өҥөлдьө), 1- Сидоров Александр (Ньурбачаан). 105 кг диэри: 1- Попов Дмитриҋ (Уус Алдан, ДьТГА), 2- Тобонов Степан (Ньурба), 3-Афанасьев Атаман (Ньурбачаан). 105 кг үөһэ ыйааһыҥҥа: 1- Фролкин Сергей (Томпо), 2- Никифоров Гаврил (Ньурба), 3- Андреев Дьулустаан (Ньурба).

Бэтэрээннэргэ:

65 кг 1 миэстэ — Кириллин Александр (Бүлүү), 2- Санников Василий (Үөһээ Бүлүү), 2- Харбанов Анатолий (Ньурбачаан). 75 кг диэри: 1 — Максимов Ахмед (Чаппанда), 2- Михайлов Роин (Сунтаар). 85 кг диэри: 1- Васильев Иван (Дьиикимдэ), 2- Семенов Власиҋ (Бүлүү), 3- Слепцов Василий (Амма). 85 кг үөһэ: 1- Баишев Анатолий (Амма), 2- Семенов Дьулустаан (Бүлүү), 3- Архипов Василий (Сунтаар).

Ордук улахан кэрэхсэбили муҥутуур кыайыылааҕы быһаарар киирсиилэр тартылар. 70 кг диэри эр дьоҥҥо 13 эр бэрдэ күрэхтэстэ. Манна Акана ааттааҕа Иннокентий Жирков кыайыылаах тахсан, улуус спорткомитета туруорбут бирииһин 45 тыһ. солк. суумалаах саа сэртипикээтин тутан үөрдэ-көттө. Бэтэрээннэргэ 5 бэртэн муҥутуур кыайыылаах Дьулустаан Семенов Дьаархан нэһилиэгин дьаһалтатын супер-бирииһин (саа сэртипикээтин) хаһаайына буолла.

Эр дьоҥҥо 70 кг үөһэ ыйааһыҥҥа Аан дойду Кубогын призера, 1992 с. т бухатыыр Сергей Фролкин тэҥнээҕин булбата.  Манна Европа, Арассыыйа чөмпүйүөнэ, СӨ мас тардыһыытын бочуоттаах маастара Анатолий Баишев, эмиэ ааттаах-суоллаах мадьыны, Уус Алдан күүстээҕэ Дмитриҋ Попов уо.д.а. кыраһыабай киирсиилэри көрдөрдүлэр. Дмитрий Попов бастакы эргииргэ Эрчим Баппаҕайы кытта киирсэн баран, Анатолий Баишевка тахсан, 1:2 ахсаанынан хоттордо. Оттон Баишев финалга Сергей Фролкиҥҥа 0:2 ахсаанынан кыайтарда. Онон Фролкин муҥутуур кыайыылаах аатын ылан, улуус салалтата туруорбут «Буран» снегоход сэртипикээтин тутта.

Ньурба улууһугар икки күннээх спорт бырааһынньыга бэркэ түмүктэннэ.