Бүгүн, муус устар 25 күнүгэр, Н.Г.Чернышевскай аатынан Бүлүүтээҕи педагогическай үөрэх кыһатыгар ураты сэргэх күн буолла.
Н.Г.Чернышевскай аатынан Бүлүүтээҕи педагогическай үөрэх кыһата, СӨ төрүттэммитэ 95 сылын көрсө дойдубут бары муннуктарыттан үөрэнэ кэлбит устудьуоннар уонна уһуйааччылар, бары биир киһи курдук саха сиэрин тутуһан, эрчимнээхтик туттан-хаптан, үөрэн-көтөн, биир сомоҕо буолан саха таптыыр үҥкүүтүн, оһуохайы, олохтоотулар, оройуттан ыллылар.
Өбүгэлэрбит үйэттэн-үйэҕэ сайыннарбыт үҥкүүлэрин, оһуохайы, билиҥҥи эдэр ыччат умнубакка, өрө тута сылдьара бүгүҥҥү тэрээһин чаҕылхай туоһутунан буолар.
Устудьуоннар түмсүүлэрин бас-көс кэскиллээх салайааччыта Антон Михайлов үөрэн — көтөн туран, ыччаттары өрүү маннык түмсүүлээх буоларга, өбүгэлэр үтүө үгэстэрин умнубакка сайыннаран иһэргэ, саха оһуохайын саха ыччата түмсүүлэргэ киэн тутта үҥкүүлүүрүгэр уонна ыччаттарга тарҕатарыгар ыҥырда.
Саха сирин ыччата! Өрөспүүбүлүкэ күнүгэр оһуохайы оройуттан тутан, бары санаабытын холбоон, дойдубут туһугар үтүө дьыаланы олохтоон, оҥорон, Сахабыт сирэ сайдарыгар хас биирдиибит кылааппытын киллэриэҕиҥ!