Сартаҥ оскуолатын үлэтэ Россияҕа билиннэ

99

Дьааҥы улууһун Сартаҥ орто оскуолатын бүтэрбиттэр бары 10 оҕоттон 4-дэ үрдүк үөрэххэ, 6 оҕо орто анал киирдилэр. Бу олус улахан ситиһии диэн сыаналыыллар олохтоохтор.


Оскуола кэлэктиибэ хас биирдии үөрэнээччитэ ситиһиилээх буоларыгар кыһамньылаахтык сыһыаннаһар. Ол курдук, үс сыллаах үлэтин түмүгүнэн куонкуруска кыттан, Ил Дархан 1 мөл. солк. суумалаах Гранын ыллылар. Бу үптэринэн оскуола былаһааккатыгар спортивнай стадион тренажерун быйыл саас туруорарга былаан ылыннылар.

20160528_125931Оскуола инновационнай бырайыага өрөспүүбүлүкэтээҕи былаһаакка статуһун сүгэн, А.С. Макаренко куонкуруһугар Саха сиригэр биир кэрэхсэбиллээх бырайыак аатын ылан, Бүтүн Россиятааҕы “Народное образование” сурунаалга үлэлэрэ таҕыста. Салгыы “100 лучших школ России” диэн куонкуруска кыттан лауреат үрдүк аатын ыллылар.