Суоппар хонтуруолланарыгар суолга бэлиэ оҥоһулунна

135

Үөһээ Бүлүүгэ Д.Спиридонов аатынан 4-с №-дээх оскуола таһыгар, саамай элбэх массыына сылдьар К.Маркс аатынан уулуссаҕа, анал бэлиэ уурулунна. Норуокка биллэринэн «лежачий полицейский» диэн ааттанар.


Бу суоппар сырыытын хонтуруоллууругар анаммыт бэлиэ буолар, маны суоппар ыраахтан көрөн бытааран биэрэр. Онон аны мантан ыла оскуола оҕолоро суолу куттаммакка туоруур, сылдьар буоллулар. Суоппардар сэрэхтээхтик сылдьалларыгар анаммыт бэлиэни (оҥоһугу) «Инблавер» улуустааҕы тэрилтэ туруорда. ГАИ начальнига Гермоген Маркович Сибиряков оскуолалар тастарыгар суолу туоруур бэлиэлэр чугас булгуччу баар буолуохтаахтарын этэр.