Чурапчыга “Удьуор” түмсүү муҥха тэрийдэ

164

Сэтинньи 3 күнүгэр Чурапчы нэһилиэгин “Удьуор” эр дьон түмсүүтүн көҕүлээһиннэринэн, Чурапчы түөрт оскуолата холбоһон Куохара үрэх түгэх тардыытыгар муҥха тэрийдилэр.


Бу дьоһуннаах төрүт үгэс сыл ахсын үтүө үгэскэ кубулуйан ыытыллар. Үүнэн иһэр ыччаты айылҕаҕа, сиргэ-уокка сылдьыыга, ордук уол оҕо оскуолаҕа үөрэнэр эрдэҕиттэн муҥхалааһын быраабылатын, муҥха сокуонун билэ улаатарыгар, кэлин ыал аҕата буолан дьиэкэргэнин иитэригэр сүҥкэн оруоллаах. Муҥхаҕа уопсайа 55 оскуола үөрэнээччитэ ону таһынан Куохара түөлбэ олохтоохторо сырыттылар. Манна алын сүһүөх кылаас оҕолоро эмиэ кыттыыны ылбыттара ордук кэрэхсэбиллээх.

Нэһилиэк баһылыгын солбуйааччы А.Г. Егоров, баһылыгы социальнай боппуруостарга солбуйааччы П.Е. Гуляев мустубут муҥхаһыттарга балыктааһын хаамыытын билиһиннэрдилэр. Ол эрэ кэннэ, дьэ, ким анньыылаах, ким нырыылаах эбэҕэ сүүрэн киирэн үлэлээбитинэн бардылар.

Таана суох килэрийбит мууска сытыы уһуктаах анньыы быыстала суох лычырҕыыра истэргэ кэрэтин!

Муҥха кэнниттэн, салгыы, уолаттарга канат тардыһыыта, уоту оттууга, тоҥуу хаарынан сүүрүүгэ анал күрэхтэһиилэр ыытылыннылар.

Дьэ, итинник “Удьуор” эр дьон түмсүүтэ, кыһыҥҥы сибиэһэй салгыҥҥа дуоһуйа сынньаннылар, уолаттары өбүгэ төрүт үгэстэригэр үөрэттилэр, этэргэ дылы, өр кэмҥэ муунтуйбут тыыннарын таһаардылар.