Кэбээйи улууһун Ньидьили олохтоох библиотекатыгар дьон таптаан сылдьар. Манна араас тэрээһиннэр буолаллар. Билигин биир дойдулаахтара, суруйааччы Тимофей Сметанин 100 сылын көрсөргө бэлэмнэнэнллэр.
Саха тыллаах ааҕааччы сүгүрүйэр суруйааччыта Тимофей Сметанин Кэбээйигэ төрөөбүтэ. Онон манна талааннаах биир дойдулаахтара 100 сылын бэлиэтиир үлэ саҕаламмыта ыраатта.
Олохтоох библиотекарь, 1999 с. үлэлиир Туяра Ноговицына ааҕааччылар интэриэстэрин тардарга куруук дьулуһар. Туяра Васильевна улуустааҕы библиотека сорудаҕынан Тимофей Сметанин “Сайыспыт” уонна “Эдэр булчут” хоһооннорун нууччалыы тылбаастыырга холонно.
Хоһооннору тылбаастааһыҥҥа кинини сэргэ Ирина Эверстова, Мария Афанасьева кытыннылар. Атын да кинигэни сөбүлээн ааҕааччылар эмиэ холонон көрөн, көмөлөспүттэрэ кэрэхсэбиллээх. Ол түмүгэр олохтоохтор сахалыыттан нууччалыы тылбааһы олус сэҥээрбиттэр.