Ньурбаҕа норуот сомоҕолоһуутун күнүгэр элбэх киһи кыттыылаах хаамыы буолла. Или-эйэни түстүүр норуот бырааһынньыга Саха судаарыстыбаннай деятеля, революционер, Ньурба чулуу уола Степан Васильев пааматынньыгар венок ууруутуттан саҕаланна.
Ньурба куоратын киин уулуссатынан хаамыы кыттыылаахтара ырыанан, айхал тылларынан уруйдаан Ленин болуоссатыгар кэлэн үөрүүлээх миитиҥҥэ кытыннылар. Бырааһынныка улуус баһылыгын бастакы солбуйааччы Иннокентий Васильев: «Норуоттар сомоҕолоһууларын күнэ – ийэ сирбит инники кэскилин туһугар үрдүк эппиэтинэс уонна норуоту түмүү буолар. Бу күн биһиги судаарыстыбабыт, республикабыт, улууспут историятыгар дойду туһугар сомоҕолоһуу, патриотизм, гражданскай эппиэтинэс холобурунан буолар. Арассыыйа киэҥ киэлитигэр олорор бары омуктары кытары биир сомоҕо буолуу өйдөбүл суолтатын хас биирдии дойдубут олохтооҕо, ордук эдэр ыччат өйүгэр-санаатыгар иҥэриэх тустаах», — диэтэ.
Ньурба куорат баьылыга Алексей Иннокентьев, бэтэрээннэр улуустааҕы Сэбиэттэрин бэрэссэдээтэлэ Ким Васильев, ыччат лидера Моисей Черепанов тыл эппиттэрин мустубут дьон ытыс тыаһынан көрүстүлэр. Үөрүүлээх миитин Сомоҕолоһуу оһуохайынан түмүктэннэ.