Орто Халыма „Күн ахсын Россиянан киэн туттабын!“ бырайыакка кытынна

144

Сэтинньи 26 күнүгэр Орто Халыма улууһа „Күн ахсын Россиянан киэн туттабын!“ диэн бырайыакка кытынна.


Сарсыарда 11 чааска 9 нэһилиэк уонна куорат 9-11-с кылаас үөрэнээччилэрэ, төрөппүттэрэ Аҕа дойду историятын төһө билэллэрин тургутан көрдүлэр. Улуус үрдүнэн 12 былаһаакка тэрилиннэ. Улуус дьаһалтатын кыра саалатыгар тэриллибит былаһааккаҕа дьаһалта үлэһиттэрэ, улуус Сэбиэтин депутаттара, тэрилтэ салайааччылара уо.д.а. тест толордулар.

Россия историятын хабар 40 боппуруоһу барытын улуус дьаһалтатын баһылыгын бастакы солбуйааччыта Руслан Святославович Гаврильев бастакынан эппиэттээн бүттэ.

Тест толорооччулар „Күн ахсын Россиянан киэн туттабын!“ диэн бырайыак үтүө үгэскэ кубулуйан сыл ахсын ыытылларын биһирээтилэр.

„Халыма долгуннара“