Сэтинньи 28-30 күннэригэр Чурапчы улууһугар Д.П.Коркин аатынан Чурапчытааҕы олимпийскай эрэллэр өрөспүүбүлүкэтээҕи интэринээт-оскуолатыгар “Эдэр талааннар” диэн дуобакка өрөспүүбүлүкэтээҕи күрэхтэһии буолан ааста.
Күрэхтэһиигэ тоҕус улуустан, Дьокуускай куораттан, Хатастан уопсайа 211 оҕо кытынна. Дьокуускай куорат 17 №-дээх оскуолатын 1 “г” кылааһын үөрэнээччитэ Петя Кычкин 2009-2010 сыллаах уолаттарга нуучча дуобатыгар 49 оҕоттон үһүс миэстэ, онтон сүүс харахтаах дуобакка 31 оҕоттон бастакы миэстэ буолла. Петя Дьокуускай куорат 5 №-дээх ДЮСШ-атыгар дьарыктанар, кинини дуобакка бэйэтин тапталлаах эбээтэ, Саха сирин уонна Россия үтүөлээх тренерэ Мария Никитична Бырдыннырова уонна аҕата Василий Николаевич Кычкин уһуйаллар, үөрэтэллэр.