Чурапчы гимназиятын үөрэнээччитэ улахан ситиһиилэннэ

121

Ааспыт нэдиэлэҕэ, Ульяновскай уобалаһыгар Бүтүн Арассыыйатааҕы «2018 сыл бастыҥ үөрэнээччитэ» күрэскэ Саха сирин аатыттан С.К. Макаров аатынан Чурапчы гимназиятын 11 кылааһын үөрэнээччитэ Никита Григорьев олус ситиһиилээхтик кыттан кэллэ.


Никита Саха сириттэн соҕотоҕун кыттан, атын регион 15 үөрэнээччитин кытта финалга тахсыбытын таһынан, көрөөччүлэр тыыннаах куоластааһыннарын түмүгэр «Көрөөччүлэр биһирэбиллэрэ» анал аат хаһаайынынан буолла. Никита – гимназия туйгун үөрэнээччитэ уонна бастыҥ уопсастыбанньыга. 2016 сылтан «Чурапчы кэскилэ» диэн улуустааҕы оҕо хамсааһынын бэрэссэдээтэлин солбуйааччытынан үлэлиир.

Никитаны бу күрэххэ РФ уопсай үөрэхтээһинин уонна СӨ үөрэҕириитин туйгуна Н.А. Белолюбская бэлэмнээн илдьэн кытыннарда. Өйүүр бөлөххө гимназия дириэктэрин иитэр үлэҕэ солбуйааччы Е.И. Феоктистова, 11 кылаас үөрэнээччилэрэ Сеня Павлов, Дайаана Федотова, Дуня Соловьева уонна 10 кылаас үөрэнээччитэ Дима Никонов кытыннылар.