Муома улууһугар үс сыллааҕыта Францияттан киинэни устааччылар кэлэ сылдьыбыттара. Бу күннэргэ «Көс олохтоох оҕо саас» киинэ Дьокуускай көһүннэ.
Үс сыллааҕыта Францияттан Муомаҕа кэлэн көс олохтоохтор тустарынан киинэ устубуттара. Онно Сибиир көс омуктарын олоҕун сырдатар биир кэрчиккэ, оччолорго оскуолаҕа үөрэнэр Даша Уваровская, олохтоох норуодунай тыйаатыр артыыстара Александр Корякин, Алексей Черемкин, Ирина Иванова, Василий Аммосов, Ирина Винокурова уо.д.а. кыттыыны ылбыттара.
Билигин ол устуу «Көс олохтоох оҕо саас» диэн киинэ буолан, Дьокуускай куорат кинотеатрдарыгар көһүннэ. Киинэҕэ көс омуктар оҕолорун ыарахан дьылҕата, Муома кыыс кэрэ айылҕата элбэхтик көстөр.
Премьераҕа сүрүн оруолу толорбут Даша Уваровская-Павлова кыттыыны ылла. Киинэ режиссера — Кристоф Була, продюсер – Эмили Май.