Аҕыйах хонуктааҕыта Тускул бу нэдиэлэҕэ эмискэ сылыйыан, бэл диэтэр, Сунтаарга ардыан туһунан эппитэ.
Бүлүүгэ, Ленскэйгэ, Өлүөхүмэҕэ термометр 0 кыраадыстан үөһээ буолуон, оннук күүскэ сылыйыан туһунан Тускул иһитиннэрбитэ.
Бүгүн сарсыарда Өлүөхүмэ улууһун Даппарай сэлиэнньэтигэр ардах түспүт үһү диэн сурах ватсапка тарҕанна. Олохтоохтортон туоһуласпыппар, бигэргэттилэр. “Кулун тутар 21 күнүгэр киэһэ 21-22 чаас икки ардынан бэрт кылгастык ардаан ылла. Ити кэмҥэ таһырдьа кыраадыс +1 этэ”, — диэтилэр.
Тускул күн-дьыл туругун туһунан салгыы билгэлээһинин күүтэбит.