Муома улууһун Төбүлэх нэһилиэгэ хайа быыһыгар олорор. Уустук суоллаах-иистээх нэһилиэнньэлээх пууҥҥа киирсэр, онон кыһалҕалара элбэх.
Төбүлэх саҥа тымныйан эрэр. Онон бу күннэргэ идэһэ, муус аннынан балыктааһын саҕаланна. Олохтоохтор быйыл балык мөлтөх соҕус дииллэр. «Ыал үксэ кыһыҥҥы аһылыгын хаһаанар кэмэ буола турар. Онон бокуойдаах да киһи көстүбэт, бары туох эрэ дьарыктаах сылдьаллар. Балык аҕыйах, дьылыттан көрөн итинник буолааччы. Сүөһүлэри хотоҥҥо киллэрбиппит, туруктара этэҥҥэ«, — диэн кэпсииллэр олохтоохтор.
Нэһилиэк исписэлииһэ Евгения Николаева иһитиннэрбитинэн, Тыа хаһаайыстыбатын министиэристибэтэ отунан көмөлөһүүгэ сайаапка хомуйбут. Онно муомалар 20 т оту сайаапкаласпыттар. «Күһүнүн ардыы-ардыы тоҥорбут буолан, сыспай сиэллээххэ соччото суох кыстык буолсу. Ол да буоллар, 220 киһилээх нэһилиэк кыстыгы этэҥҥэ туоруур туһугар сыралаһабыт«, — диэн кэпсээтэ кини.