Амма улууһугар үүммүт 2017 сылга аан бастакы оҕо тохсунньу 1 күнүгэр күн сирин көрдө.
Дьоллоох төрөппүттэринэн бурдуктаах Покровка эдэр ыала Дмитрий уонна Софья Бубновтар буоллулар. Кинилэр тохсунньу 5 күнүгэр төрүүр дьиэттэн үөрүүлээх быһыыга-майгыга дьиэлэригэр таҕыстылар.
Бубновтар бу үһүс оҕолоро. Саҥа киһи саҥа дьылы бэлиэтиир кураан тыаһын кытта тэҥҥэ күн сирин көрөн бэбээрэ ытаата. Дьиэ кэргэн баһылыга Дьокуускайдааҕы промышленнай техникуму быйыл бүтэрэн, сварщик идэтин баһылаары сылдьар.
Үөрүүлээх түгэҥҥэ төрөппүттэри Покровка нэһилиэгин дьаһалтын баһылыгын солбуйааччы Надежда Карпович, улуустааҕы дьиэ кэргэн кэмитиэтин сүрүн специалиһа Изабелла Яковлева, төрүүр дьиэ кылаабынай бырааһа Евдокия Долгунова эҕэрдэлээтилэр.
Балыыһа эдэр ыалга оҕо кэлээскэтин бэлэх быһыытынан туттарда. Саҥа төрөөбүт киһиэхэ дьоллоох оҕо сааһы баҕарабыт.