Амма улууһун Алтаныгар аныгы технология көмөтүнэн оҕо кинигэ ааҕарыгар интэриэс үөскэттилэр

362

Информация түргэнник бэриллэр үйэтигэр электроннай кинигэни туһанан оҕо ааҕар интэриэһин үрдэтиэххэ сөп. Бу туһунан Алтан оскуолатын библиотекара санаатын эттэ.


Электроннай кинигэ оскуола кинигэтин саҕа кээмэйдээх гынан баран, өйүгэр 5000 кинигэни тутар диэн быһаараллар. Маны таһынан араас ойууну, ырыаны-тойугу киллэриэххэ сөп.

Интернеттэн наадалаах матырыйааллары ылан үөрэххэ туһаныахха эмиэ сөп. Оскуола библиотекатыгар художественнай кинигэ пуондатыгар, ордук үөрэх бырагырааматынан үөрэтиллэр айымньылар 1-2-лии эрэ экземпляр баар. Оҕо барыта кэмигэр уларсан аахпат. Ол иһин айымньылары электроннай кинигэҕэ уган баран тарҕатар ордук курдук.

Биһиги оскуолабыт иһигэр итинник бырайыагы толкуйдаан, 10 кылаас оҕолоругар анаммыт нуучча литературатын айымньыларын уктубут уонна кинигэ курдук биирдии оҕоҕо биэрдибит.

Кинигэ шрибэ уонна экрана ааҕарга табыгастаах. Ааҕыыга интэриэс үөскэтэргэ, элбэх кинигэ оннугар илдьэ сылдьарга табыгастаах эбит.