Сунтаар улууһун Бүлүүчээн нэһилиэгэр «Хорсун» диэн эдэр ыччат түмсүүтэ баар. Манна көхтөөх ыччаттар түмсэннэр, үлэни-хамнаһы кыайа-хото туталлар.
Сотрутааҕыта кинилэр МПЧ-8 тэрилтэ уонна олохтоох дьаһалта үлэһиттэрин кытта кыттыһан субуотунньуктаатылар. Ол курдук, социальнай өҥөнөн туһанааччы уонна аҕам саастаах дьоҥҥо көмөлөһөн, муус ылан, тиэйэн биэрдилэр. Ис сүрэхтэн оҥоһуллубут босхо көмөттөн кырдьаҕастар сүрдээҕин үөрэн, сэргэхсийэн олороллор. Үтүө санаалаах дьоҥҥо махталларын тиэрдэллэр.