Дьааҥы улууһун ОДьКХ ГУТ филиалын дириэктэрэ С.В.Слюгров иһитиннэрбитинэн, нэһилиэктэргэ күннээҕи саппаас чох тиэллэ турар. Билиҥҥи туругунан, чугастааҕы Верхоянскай, Боронук, Остуолба, Эһэ Хайа, Үөттээх, Адыаччы нэһилиэктэригэр үлэ салҕанар.
Итини сэргэ, «Янаспецсервис» ХЭУо, «Никитин» ИП Табалаах, Дулҕалаах уонна Сартаҥ нэһилиэктэригэр чоҕу кулун тутар ыйтан саҕалаан таһар былааннаахтар. Чөрүмчэ, Элгэс нэһилиэктэригэр «Панов» ИП тиэйэргэ сорунар. Билигин нэһилиэктэр бары оттугунан хааччыллан нус-хас олороллор. Онтон саппаас чоҕу тиэйии кулун тутар, муус устар ыйдартан саҕаланара былааннанар.
Онтон улуустааҕы тыа хаһаайыстыбатын салаатыттан иһитиннэрбиттэринэн, улуустааҕы сэминээргэ барыта 40 тустаах үлэһит сылдьыбыт. Манна этиллибитинэн, кэнники көрдөрүүнэн улууска барыта 602,4 тн от тиэллибит, ол эбэтэр сайаапкалаах оттон 48% миэстэтигэр тиэрдиллибит. Ону тэҥэ, ынах сүөһүгэ минеральнай эбиликтэри тиэммит массыыналар кэлиэхтээхтэрэ этиллибит.
Кыстыкка төһө ынах-сүөһү, сылгы баарын туһунан иһитиннэриигэ, быйылгы кыстыкка 71 сылгыны, 16 ынаҕы аактаҕа киллэрбиттэр. Маны таһынан Арыылаахха, Остуолбаҕа, Суордаахха сылгыга кулуннааһын баара бэлиэтэммит. Онтон ТХС олунньу 7 күнүнээҕи чахчынан, оройуоҥҥа 1206 төбө сылгы баара чопчуламмыт.