Үөһээ Бүлүү улууһун дьаһалтатын эр дьоно бииргэ үлэлиир коллегаларыгар сааскы бастакы бырааһынньыгынан — кэрэ аҥардар күннэринэн — соһуччу бэлэҕи оҥордулар.
Сарсыарда үлэлэригэр тиэтэйэ-саарайа кэлбит Үөһээ Бүлүү улууһун дьаһалтатын кэрэ аҥардара ааны тэлэччи арыйаат, ураты истиҥ эҕэрдэҕэ тигистилэр.
Бу күн бииргэ үлэлиир коллегалара сибэкки утары уунан, ырыанан эҕэрдэлии тоһуйдулар.
«Олус соһуччу бэлэх буолла. Наһаа долгутуулаах уонна үөрүүлээх түгэн. Сырдык халлаан анныгар иллээх-эйэлээх олохпут бэлиэтэ. Эр дьон баар буолан биһиги баарбыт. Бииргэ үлэлиир коллегаларбытыгар ураты истиҥ күнү бэлэхтээбиттэригэр махтанабыт», — диэн санааларын үллэһиннилэр кэрэ аҥардар.