Өрөгөйдөөх Улуу Кыайыы 72 сылын бэлиэтиир күн Покровскай куоракка өрө көтөҕүллүүлээхтик буолла. Өрөгөй болуоссатыгар эҕэрдэ концерын кэнниттэн, сомоҕолоһуу оһуохайын улууспут алгысчыта, оһуохайдьыта Андриан Белолюбскай таһаарда.
Бу күн Арчы дьиэтигэр Иэйэхсити иҥэрии сиэрэ-туома ыытылынна. Тэрээһиҥҥэ кыттыбыт дьон үтүө үгэс быһыытынан бу ый маанылаах аһыттан алгыстаах саламааты, сылаас сымнаҕас алаадьыны амсайдылар, дуоһуйа оһуохайдаатылар.
Киэһээ «Саргы түһүлгэтэ» култуура киинин иннигэр бырааһынньыктааҕы кэнсиэр буолла, «Өйдүүбүт» диэн акция чэрчитинэн Өрөгөй болуоссатын иннигэр, эдэр ыччат көҕүлээһининэн, өйдөбүнньүк чүмэчи уурдубут. Кыайыы күнүгэр аналлаах тэрээһиммит эдэр ыччат оһуохайынан, салютунан түмүктэннэ.