Сангаарга Саха Өрөспүүбүлүкэтин күнүн бэлиэтээтилэр

241

Муус устар 27 күнэ бүттүүн өрөспүүбүлүкэ олохтоохторун биир кэрэ-бэлиэ бырааһынньыга буолар.


Бу күн сарсыардаттан бөһүөлэк бырааһынньыктыы ырыанан-тойугунан туолла, өрөспүүбүлүкэ тэриллибит устуоруйатын, ону олохтообут саха чулуу уолаттарын туһунан нууччалыы-сахалыы билиһиннэриинэн саҕаланна.

Күнүс 12 чааска Сангаар бөһүөлэгин олохтоохторо “Шахтер” сынньалаҥ киинигэр ыы быччары муһуннулар. Үөрүүлээх тэрээһин чороонноох саха кыргыттарын үҥкүүтүнэн, сахалыы алгыһынан, саха гимнэ дуораччы ньиргийиитинэн арылынна. Салгыы бөһүөлэк олохтоохторун, ыалдьыттарын “Кэбээйи улууһа” МТ дьаһалтатын баһылыга И.Н. Спиридонов, депутаттар улуустааҕы сэбиэттэрин бэрэссэдээтэлэ А.В.Иванова, “Сангаар бөһүөлэгэ” МТ дьаһалтатын баһылыга Н.И.Попов, нэһилиэнньэ социальнай көмүскэллээх уонна үлэлээх буолуутун управлениетын салайааччы Н.Г.Доманова, Сангаар бөһүөлэгин  ыччатын кытта үлэҕэ исписэлиис А.В.Шапошникова Өрөспүүбүлүкэ күнүнэн эҕэрдэлээтилэр, дохсун ытыс тыаһыгар доҕуһуоллатан наҕараадалары туттартаатылар.

Салгыы Сангаар олохтоохторун, үөрэнээччилэрин күүһүнэн кэнсиэр буолла.