«Сунтаар сулуһа» бирилийээн кырыыламмыта 25 сылын бэлиэтээтилэр

Саха сиригэр аан бас­такы бирилийээн кырыы­лам­мытыттан 25 сыл аас­та. Үйэ чиэппэрин ана­раа өттүгэр «Сунтаар сулуһа» диэн ааттаах уран чочуйууну Сунтаар нэһилиэгэр японец Яма­да-сан кырыылаабыта. Бу сыл Сунтаарга Саха Өрөспүүбүлүкэтигэр бастакы алмааһы кырыы­лыыр собуот үлэҕэ киир­битэ.

Сунтаар улууһун баһылы­га А.В. Григорьев бу үбү­лүөйдээх даатаны бэлиэ­тээ­ри сүүрэн-көтөн, ха­мыы­һыйа тэрийэн, ыраах­тан-чугастан ыалдьыттары ыҥыран, икки күннээх үбү­лүөйдээх тэрээһин ыыты­лынна. Ол курдук, ахсын­ньы 12 күнүгэр улуус дьаһал­татын аактабай саалатыгар улуус баһылыга Анатолий Григорьев, бастакы солбуйааччыта Николай Александров, 25 сыл анараа өттүгэр үлэлээбит, ыраах Японияттан сылдьар «SIGESIKO» хам­паанньа толорор дириэктэрэ, бэрэсидьиэнэ Токуда Шигехиро, Арассыыйа наукаларын акаде­миятын Сибиирдээҕи отделение­тын В.П. Ларионов аатынан Хотугу физика-техническэй кыһалҕа­ларын институтун лаборотория­тын сэбиэдиссэйэ Михаил Уаров, М.К. Аммосов аатынан ХИФУ кырыылаан таһаарар лаборато­риятын сэбиэдиссэйэ Алексей Степанов, «АЛРОСА» АХ Миири­нэйдээҕи хайаны байытар кэмби­нээт дириэктэрин социальнай боппуруостарга уонна каадырга солбуйааччы Борис Егоров, «Са­ха-Даймонд» АУо дириэктэрэ Артем Федоров, Сунтаардааҕы технологическай колледж дириэк­тэрэ Тамара Казакова, СТК тех­нолога Константин Тотонов, Ньур­баттан Макар Семенов, Үөһээ Бүлүүттэн Юрий Максимов уонна тылбаасчыт Дмитрий Оконешников «төгүрүк остуол» тула оло­рон кэпсэттилэр. Манна үйэ чиэппэрин анараа өттүгэр бииргэ үлэлээбит Константин Тойбохо­евич уонна Токуда-сан үөрэн, ис­тиҥ­ник көрсүспүттэрин, куустуһан ылбыттарын дьон олуһун долгуйа, астына көрдө.

Эбиэт кэннэ ыалдьыттарга Сун­таардааҕы технологическай кол­леджка улуус алмаас бырамыысы­ланнаһын устуоруйатыгар кылаа­тын кэпсиир уонна колледж көмүс тарбахтаах үлэһиттэрин, усту­дьуоннарын оҥоһуктарын быыс­тапката аанын аста. Алмаас мусуойун сэбиэдиссэйэ Марфа Конобулова ыалдьыттарга быыс­тапканы, устуоруйаны билиһин­нэрдэ. Манна, буолуохтааҕын кур­дук, эр дьон Түбэй Дьаархантан сылдьар тимир ууһа Спартак Пет­ров чочуйбут, оҥорбут саха бы­һахтарын тула үмүөрүстэ. Оҕолуу ымсыырбыт, сөхпүт харахтарынан сытыы быһах кумаахыны соторун, тупсаҕай көрүҥүн сыаналыы көрдүлэр.

Үбүлүөйдээх тэрээһин үөрүү­лээх чааһа колледж аактабай саалатыгар буолла. СӨ бэрэсидьиэннээн олорбут, РФ Феде­рация Сэбиэтин чилиэнэ Вячес­лав Штыров, СӨ Ил Дархана Егор Борисов эҕэрдэ тылларын ааҕан иһитиннэрдилэр. Биир дойдулаахпыт Наталья Михалева-Сайа «Сунтаар сулуһа. Саха тускута» документальнай киинэтин көрдөр­дүлэр. Бэйэлэрин эҕэрдэлэрин улуус баһылыга Анатолий Гри­горьев, бастакы кырыылыыр со­буот дириэктэринэн үлэлээбит Борис Егоров, Сунтаар нэһилиэ­гин баһылыгын солбуйааччы Ва­лерий Макаров, Японияттан кэлбит Токуда Шигехиро уо.д.а. эттилэр. Токуда-сан Дьокуускайтан Сунтаарга диэри, тумантан сыл­таан сөмөлүөт көппөккө, Анатолий Васильевичтыын массыынанан айаннаан кэлбитин, ааһан иһэн үлэлээн ааспыт сирдэрин – Бүлүүнү, Үөһээ Бүлүүнү, Ньурба­ны көрбүтүн, 40 кыраадыс тым­ныыга 1000 км туман быыһынан айаннаабытын кэпсээтэ. «Бу 25 сыл тухары Сунтаарга улахан сайдыы, уларыыйыы барбыт, ол эрэн бииргэ үлэлээбит дьонум уларыйбатахтар», — диэн бэлиэ­тээтэ. Токуда-сан наада буоллаҕына, өссө да кэлиэн сөптөөҕүн эттэ.

Үбүлүөй үөрүүлээх чааһы­гар үгүс наҕараада туттары­лынна. Ол курдук, өр сыллаах бэриниилээх үлэлэрин, СӨ алмааһы кырыылыыр быра­мыы­сылыннас сайдыытыгар сүдү кылаатын иһин «Саха-Даймонд» АУо генеральнай дириэктэрэ Артем Федоров, СӨ социальнай-экэнэмии­чэскэй сайдыытыгар сүдү кы­лааттарын иһин Сунтаардааҕы технологическай колледж технолога Константин Тотонов, Үөһээ Бүлүү урбаанньыта Юрий Максимов СӨ Ил Түмэнин Бочуотунай грамота­тынан наҕараадаланнылар. Улуус сайдыытыгар тус кы­лааттарын иһин Сунтаар улууһун Бочуотунай грамотатын уонна түөскэ кэтэр үрүҥ көмүс бэлиэни Арассыыйа наука­ларын академиятын Сибиир­дээҕи отделениетын В.П. Ларионов аатынан Хотугу физика-техническэй кыһалҕаларын институтун лабороториятын сэбиэдис­сэйэ Михаил Уаров, «АЛРОСА» АХ суоппара Владимир Тимофеев, «АЛРОСА» АХ алмааһы аҥаар­дааччыта Розалия Степанова туттулар. Оттон М.К. Аммосов аатынан ХИФУ кырыылаан таһаа­рар лабораториятын сэбиэдис­сэйэ Алексей Степанов, «Маяк» тэрилтэ салайааччыта Александр Никитин, «SIGESIKO» хампаанньа толорор дириэктэрэ, бэрэси­дьиэнэ Токуда Шигехиро Сунтаар улууһун бырамыысыланнаһын сайдыытыгар кылааттарын иһин түөскэ кэтэр бэлиэнэн наҕараада­ланнылар. Бу үөрүүлэх чааска Свет­лана Яковлеваҕа Сунтаар нэһилиэгин Бо­чуоттаах граждани­на аат иҥэрилиннэ. Светлана Иванова, Валентина Николаева, Антонина Егорова, Марина Струч­кова СӨ кырыылыыр бырамыысы­ланнаһын саҕалыырга, Сунтаар­дааҕы кы­рыы­лыыр собуот сай­дыы­тыгар кылааттарын иһин Сунтаар нэһи­лиэгин грамотатынан на­ҕараа­даланнылар. Сунтаардааҕы технологическай колледж дириэк­тэрэ Тамара Казакова уонна Ев­гений Никулин үбүлүөйүнэй бэ­лиэни туттулар.

Сарсыныгар ыалдьыттар, тэ­рээһин кыттыылаахтара Тэҥкэ нэһилиэгэр баран биир дойдулаах­пыт, өрөспүүбүлүкэҕэ алмааһы кырыы­лыыр бырамыысылыннаһы саҕалаабыт, «Туймаада Даймонд» ААТ генеральнай дириэктэринэн үлэ­лээбит, техническэй наука хан­дьыдаата Георгий Яковлев ааты­нан мусуойу көрдүлэр.