Бэҕэһээ Сунтаар улууһун киинигэр Өктөөп өрөбөлүүссүйэтэ буолбута 100 сыллаах үбүлүөйүн бүттүүн параатынан көрүстүбүт.
Норуот хаамыытыгар улуус киинигэр үлэлиир бары тэрилтэлэр көхтөөхтүк тахсан кытыннылар. Ленин болуоссатыттан Бартыһааннар пааматынньыктарыгар диэри сэлэлээн тиийдибит.
Күнүс 3 чаастан саҥардыллан оҥоһуллубут Бартыһааннар пааматынньыктарын үөрүүлээх быһыыга-майгыга аһыы буолла. Мустубут дьону улуус баһылыга Анатолий Григорьев, Ил Түмэн дьокутаата Иннокентий Васильев, Сунтаар нэһилиэгин баһылыга Эдуард Филиппов о.д.а. эҕэрдэлээтилэр. Хорсун быһыыны көрдөрөн өлбүт хомсомуол буойуннары чиэстээн салют ыттылар.
Үөрүүлээх мунньах киэһэ 6 чааска «Партизан» култуура киинигэр буолла. Онно бэтэрээннэргэ Өктөөп Өрөбөлүүссүйэтэ 100 сыллаах үбүлүөйүгэр ананан оҥоһуллубут мэтээллэри туттардылар.