Уус Алдан Тулунатыгар ыччаттар муус бэлэмнээтилэр

261

Уус Алдан улууһун Тулунатыгар Ыччат нэдиэлэтэ биллэриллэн, нэһилиэк эдэр дьоно элбэх тэрээһини ыыттылар. Сүрүн үлэ хамсааһыныгар кыттыһан мууһу ылыыга кытта күрэхтэстилэр.


Тулуна эдэр ыччата хас да хамаандаҕа арахсан, спортивнай күрэхтэһиилэргэ кытыннылар уонна соҕотох олорор ытык кырдьаҕастарга, инбэлииттэргэ кыстыгы туоруур муустарын бэлэмнээтилэр.

Мууһу ылыыга эрийсиилээх күрэхтэһии Тулуна эбэҕэ ыытылынна. Күрэх түмүгүнэн хас да бырысыап мууһу ыллылар. Нөҥүө күнүгэр ыччаттар ылбыт муустарын ыалларынан тарҕаттылар.

Маннык тэрээһиннэр сыл аайы ыытыллан, үтүө үгэскэ кубулуйбутун олохтоохтор кэпсииллэр.