СӨ Ил Дархана Е.А.Борисов анал Ыйааҕынан муус устар ый 2-с баскыһыанньатын Уол оҕо күнүнэн биллэрбитэ. Ыалга уол оҕону сөпкө иитэргэ судаарыстыба өттүттэн улахан болҕомто ууруллар. Ону ситиһэргэ оҕолору оҕо саадыгар сылдьар кэмнэриттэн ылсан үлэлэһиэххэ наада. Ол иһин үгүс тэрээһин ыытыллар.
А.И.Иванов аатынан олимпийскай эрэллэри бэлэмниир анал спортивнай оскуола манеһыгар Сунтаар нэһилиэгин оҕо саадтарын бэлэмнэнии бөлөҕүн кырачааннарын ортотугар строевой хаамыыга уонна ырыаҕа күрэхтэһиилэрэ буолан ааста. Барыта 9 хамаанда кытынна. 5-6 саастаах уолаттар, кыргыттар байыаннай хаамыыга, ырыаҕа бэйэлэрин бэлэмнэрин көрдөрдүлэр. Бирикээһи сөпкө толорууларын эмиэ көрдүбүт. Дьүүллүүр сүбэ бэрэссэдээтэлинэн улуустааҕы үөрэх управлениетын начаалынньыга Г.М.Еремеев буолла. Түмүккэ ким бэлэмнээх, эрчиллиилээх кыайыы өрөгөйүн биллэ.