Сунтаарга саҥа тутуу элбиир

193

Сунтаар улууһугар киин бөһүөлэккэ эрэ буолбакка, нэһилиэктэригэр да араас тутуулар ыытыллаллар.


Хороҕо исписэлиистэргэ анаан икки кыбартыыралаах дьиэ улуус уонна өрөспүүбүлүкэтээҕи «Үтүө дьыала» хамсааһын үбүлээһининэн тутулла турар. Тутууну ОДьКХ маастара Роман Горбунов салайыытынан үлэтэ суох олохтоох уолаттар Олег Сыромятников, Николай Федоров уонна устудьуон уол Иван Григорьев тута сылдьаллар.

Биһиги сылдьарбытыгар Олегы кытта Иван бааллара. Олег Сыромятников тутуу болдьоҕор ситэ бүппэтэҕин, сайыҥҥы өттүгэр оттооһуҥҥа ордук охтубуттарын кистээбэккэ этэр. «Күнүс – от, киэһэ – тутуу буола сылдьыбыппыт», — диир кини. Билигин оттоон бүтэн, тутууларыгар күүскэ ылсыбыттар.